Myu Tsaw Online garum hpung kawn Je Yang hpyen yen dabang de sa du garum ningtum jaw

Myu Tsaw Onlin Garum Hpung kawn Online n tsa hta shinggyin la lu ai Alu Ja Gumhpraw ni hpe Je Yang Hpyen Yen Dabang de Junly (5) ya shani sa du garum ai lam chye lu ai.

Sa du garum ai hta hpyen yen dabang hta jai lang akyu jashawn lu na matu Alu Lap Seng (15), Asak (60) ning lahta de na dinggai dingla marai (300) jan a matu hpe n-gun malu masha sa garum jaw ai hte machyi makaw hkrum ai masha ni hpe tsi gawn lajang ai hta akyu jashawn jai lang na matu Cycle (1) hpe sa garum jaw ai lam Myu Tsaw Online Garum Hpung a Amu Madu Jan Maran Ja Seng Pan kawn ya na zawn  tsun ai.

Myu Tsaw Online Garum Hpung kawn matut nna yak hkak jam jau hkrum nga ai wunpawng amyu sha ni hpe dang di dang dep ai daram garum sa wa na re .

Leave a Reply

Your email address will not be published. Required fields are marked *