KIA Masat (10) Dap Ba, Masat (17) Dap Dung ginra kaw gasat gala byin

KIA Masat (10) Dap Ba, Masat (17) Dap Dung ginra La-shio maga kaw nna Lau Kai de lung wa ai Myen Hpyen la hte hpyen arung arai htaw modo (40) daram hpe July (9) ya jahpawt manap hkying (1:00)Am atan daram hta Kokang MNDAA hpyen hpung ni Nam Um mare makau kaw bom hte hkap shingla gasat dat ai hpang dai Myen hpyen hpung ni kawn lam ding yang mare kahtawng n lata ai sha MG-42 jak sinat hte sinat kaji kaba ni gap dumbre bun ai lam chye lu ai. Myen hpyen hpung ni sinat gap dumbre bun ai majaw Nan Um mare na asak (13) ning re ai Num kasha (1) sinat pala hkra hkala hkrum mat ai sha n-ga Nam Um mare na Mung shawa dum nta ni mung ram ram hkra mat ai re, Hka Lum mare na Mung shawa dum nta law malawng mung sinat pala hkra ai majaw ram ram hten hkrum mat ai lam buga masha ni shana wa ai.

Myen Hpyen Dap ni kawn Lau Kai maga de hpyen n-gun jat bang nga dingyang re sha n-ga July (9) ya shani kaw nna Myen Asuya uphkang rung ni kawn Lau Kai myo kata pukma (144) ndau nda ma ai re, dai puk ma hta shana hkying (8:00)Pm kaw na jahpawt hkying (5:00)Am du hkra tinang dum nta kaw na kadai npru hkawm lu na, marai (5) hta lai nna masha Hpawng Chyawm ai lam n galaw na ngu ndau da ai majaw dai ginra hta majan kaba bai byin wa na hpe buga masha ni hkrit tsang nga ma ai re.

Leave a Reply

Your email address will not be published. Required fields are marked *