Robert hpaji sasana jawng hpaw hpang nga

Manmaw kaw hpaw tawn ai Robert hpaji sasana jawng gaw July (11) ya shani kaw nna jawng ma marai (60) jan hte hpaji sharin hpang nga sai lam jawng komiti kaw chye lu ai.

Robert sasana jawng kaw sharin sa wa na hpaji ni hpe Karai mungga hta mahta nna sharin sa wa na rai nna Engilsh laika hte Ga hpe madung da let sharin sa wa na re lam jawng a lit nga Shara Rev. Dr Hkun San Awng tsun ai .

Jawng hpe shaning hte shaning tsang langai hpang langai jat hpaw sa wa na rai nna jawng hpaji myit nlawm ai ni hpe gaw Lata hpaji hte sharin a chyin sa wa na re nga nna jawng a masing hpe Shara matut tsun ai.

Sara Kaba Robert galaw lai wa sai sasana jawng hpe matut hkrang shapraw ai hku nna Manmaw buga hpung masha ni 2016 shaning kaw nna masing garan let Sara kaba Robat a aru arat ni hte rau hpaw hpang wa ai jawng re hpe chye lu ai.

Du wa na July (18) ya shani mung ya lung nga ai jawng a ding shawn chyeju shakawn hpawng lamang hpe galaw sa wa na re lam chye lu ai.

Leave a Reply

Your email address will not be published. Required fields are marked *