KIA hpyen hpung ni hte Myen hpyen Dap ni gasat gala majan byin

KIA Masat (2) Dap Ba, Masat (14) Dap Dung ginra, Nam Hkam mare mayan de shamu shamawt chyinglau shang wa ai Myen Hpyen Dap Hk.L.Y (238) na hpyen hpung ni gaw July (12) ya shani hkying (2:30)Pm kaw nna Hkying (3:15)Pm laman dai ginra mayan shimlam gawan hkawm nga ai KIA hpyen hpung ni hte ang katut gasat poi byin ai rai nna July (13) ya jahpawt hkying (6:00) Am kaw nna hkying (8:00) Am aten daram du hkra numdaw kalang bai gasat poi byin ai lam na chye lu ai.

KIA Masat (2) ginra ni hta lai wa sai July shata praw kaw nna Myen Hpyen Dap ni bai shamu shamawt shang wa ai lam nga ai majaw ginra Mung mare masha ni gasat gala majan grau bai laja wa na hpe myit tsang nga ma ai re, lai wa sai July (8) ya shani hta mung Danai lam Zup Mai Yang hte Sut Ring Yang lapran shamu shamawt shang wa ai Myen hpyen hpung ni kawn KIA a ginra makawp bom sa kabye kapaw la ai hpang ginra shimlam gawan hkawm nga ai KIA hpyen hpung ni hte minute (15) daram ang katut gasat poi byin ai re, gasat poi byin shara mayan de Danai Myen Hpyen Dap D.Hk.Ts kaw nna laknak kaba 105mm hte hkrup mara gap sharu bun ai lam matut chye lu ai.

 

Leave a Reply

Your email address will not be published. Required fields are marked *