KIA Masat (4) Dap Ba hte Masat (9) Dap Ba ginra ni hta gasat gala majan byin

KIA Masat (4) Dap Ba, Masat (9) Dap Dung ginra  kata shamu shamawt chyinglau hkawm nga ai Myen hpyen Dap Tatma (11 hte 55) kata na pawnghpawm hpyen hpung ni gaw July (16) ya shani hkying (9:30)Am daram kaw nna hkying (10:00)Am daram du hkra Di Ma hte Nam Um lapran kaw KIA hpyen hpung ni hte gasat gala byin ai lam na chye lu ai.

KIA Masat (9) Dap Ba, Masat (6) Dap Dung ginra hta lai wa sai July (14) ya shani kaw nna Myen hpyen hpung ni htu shadut lung wa ai majaw Bum Chyang Bum hte Lung Chyat mayan kaw gasat gala matut manoi byin nga ai rai nna July (16) ya shani KIA hpyen hpung ni nga ai shara maga de Myen hpyen Dap Hk.M.Y (13)  hte Hk.M.Y (120) na pawnghpawm hpyen hpung ni matut htim gasat lung wa ai majaw KIA hpyen hpung ni hkap shingla gasat dat ai kawn gasat gala byin ai re,.Gasat gala byin ai shara ni hta Ja Ra Yang hte Gat Noi mare makau bum kaw shara jahkrat nga ai Myen hpyen hpung ni laknak kaba gap bang nga ding yang re sha n-ga Hka San, Chyahkrau Loiseng hte Nam Ya Kap Maw ni hkan mung Myen hpyen hpung ni hpyen n-gun law law hte shamu shamawt shang wa ai majaw Yisun Hkauna galaw lu galaw sha nga ai Mung mare masha ni shimlam hkrit tsang nna galaw lu galaw sha lam yakhkak hkrum nga ai hpe buga masha ni shana wa ai.

Leave a Reply

Your email address will not be published. Required fields are marked *