Jinghpaw laika lam masan bawng ban sharin hpawng galaw

Jinghpaw Laika lam masan bawng ban sharin hpawng hpe KIC a matsun hte maren Wunpawng Mungdan Shanglawt Asuya Ginjaw Hpaji Dap kaw nna woi awn nhtawm July (31) jahpawt hkying 8:00 Am hta Mai Ja Yang Wunzup Gawk Nu kaw galaw hpang nga sai  lam na chye lu ai.

Ndai sharin hpawng a yaw shada lam gaw Jinghpaw Laika, Jinghpaw Ga, shamying lang ai lam, ka lang ai lam ni hpe nga shara ginra nbung ai raitim ka lang ai lam bung pre na hpe yaw shada let galaw ai re nga nna Sara Kaba Naw Htoi tsun ai kaw na chye lu ai.

Hpawng hta Manmaw, Myitkyina, Mungmyit Sinli ga hkan na tatut Jinghpaw laika sharin nga ai ni, Htunghking hte laili laika galaw nga ai ni hte KIO Hpaji Dap Magam Gun masha yawng marai (50) sa du shang lawm ai lam na chye lu ai. Ndai bawng ban hpawng hpe August praw (1) ya shani du hkra sharin sa wa na lam matut chye lu ai.

Leave a Reply

Your email address will not be published. Required fields are marked *