BGF ni rim adup zingri da ai Waimaw Ginwang Ramma hpa awn hpe bai dat

Waimaw Ginwang KBC Ramma hpa awn rai nga ai Sara Mading Zaidan Bawm Ying hpe Sadung mare kaw dung ai BGF hpyenla ni July (31) ya shani adup zingri na rim woi tawn da ai hpe August (1) ya shani hta bai dat ya sai lam na chye lu ai.

BGF ni kawn htawng hkindit, sinat ni hte adup abyen ai majaw sai madawn ai du hkra hkala sawng nna tsi tsi hkamla ra ai madang re nga nna Sara hte ni nawn ai ni tsun ma ai re.

BGF ni kawn Sadung mare kata hka hkawng ni jasan jaseng ai nga nna mare masha ni a nta n-hpan ni hten hkra wa ai majaw July (31) ya shani Sara Bawm Ying wa tsun ai hpe n-ra sharawng pawt share wa nna adup zingri let rim woi mat ai re hte Sara hpe wa je ai Sadung ginwang na Sara Lagyi Naw Awn hpe mung htawng adup da nna Sara Bawm Ying a madu jan hpe mung bye da ai lam na chye lu ai.

Waimaw ginwang ramma hpa awn hpe rim da ai majaw Waimaw ginwang nawku hpung ni kawn July (31) ya shani sa du ai shaloi Sara hte hkrum zup na matu ahkang njaw ai raitim August (1) ya shani hta bai dat ya ai re hpe na chye lu ai.

 

Photo; ZD Bawm Ying Mading’s FB

Leave a Reply

Your email address will not be published. Required fields are marked *