Mung shawa ni hkawm sa nga ai hkrum lam ni hkan Myen Hpyen Dap ni bawm hkam pat kau

KIA Masat (6) Dap Ba, Masat (36) Dap Dung ginra na Mung mare masha ni hkawm sa nga ai Dung Dung Aw hte U Raw Hkyet grup yin ni hta Myen Hpyen Dap ni kawn shanhte  bawm hkam da sai majaw dai lam de kadai hkum sa ngu nna August (5) ya shani Kawng Sa Hti mare masha ni hpe sa tsun let hkawm sa hkrum lam hkum pat kau ya ai hpe na chye lu ai.

Myen Hpyen Dap hkum pat kau ia hkrum lam gaw mare masha n kau a yi sun sa ai lam re sha n-ga hpun hta, shat mai tam sa ai lam mung re nga nna mare masha ni tsun ai.

Lai wa sai July (27) ya shani hta mung Kuthkai Ginwang, Loi Ngawn mare hte  Galeng mare lapran na Nam Hkai hka hpri sumri mahkrai hpe Myen hpyen Dap Hk.L.Y (45) na hpyen hpung ni sa run jahten kau ya ai majaw Galeng mare grup yin nga ai Mung mare masha ni yi sun hkau na nmai sa mat nna yak hkak hkrum mat ai lam na chye lu ai.

Leave a Reply

Your email address will not be published. Required fields are marked *