Sama Ginwang hkalup hpung ginjaw a (27) lang na lanam chyum sharing hpawng galaw

Sama Ginwang Hkalup hpung ginjaw a (27) lang na Lanam chyum sharin hpawng hpe August (11) ya shani hta Mada buga, Deng (9) mare kaw galaw la lu sai lam na chye lu ai.

Mada Buga, Deng (9) mare kaw galaw ai chyum sharin hpawng hta  Pamwi buga na Rev. Share Mung Hkawng kawn “ Dai ni na mabyin masa hta Karai hte rau sak hkrung ai lam” ngu ai gabaw hpe sharin ya ai rai nna ndai gabaw hte sharin ai a yaw shada lam gaw anhte a myu sha ni ya na mabyin masa ni hta lup mat na tsang ai majaw sharin ai lam re nga nna Sama Ginwang KBC Muna Kyithkai hpa awn Sara Labang Naw Lawn  tsun ai.

Ndai chyum sharin hpawng hta mare masha (200) jan sa du sharin hkamla sai re. Sama Ginwang hkalup hpung ginjaw a (27) lang na lanam chyum sharin hpawng hpe du wa na August (18) ya shani hta gaw Jaw buga, Lagat Yang mare kaw KBC Hkristan Hpaji Dap hpa-awn Srn kaba Zinghtung Hkawn San kawn “ Yaku a shagun dat ai laika” ngu ai gabaw hte sharin sa wa na re lam chye lu ai.

Leave a Reply

Your email address will not be published. Required fields are marked *