Namti Kan La Mare Hpyen yen Dabang Masha Ni Myitkyina Pangmati de Dabang Htawt Ya Na Matu Hpyi shawn

Namti Kan La Mare Hpyen yen Dabang Masha Ni Myitkyina Pangmati de Dabang Htawt Ya Na Matu Hpyi shawn Ai Namti Kan La Hpyen Yen dabang kata nga ai mung shawa ni gaw hpyen yen dabang hta hka kaba ai lam ni a majaw hkamja lam n nga wa ai ngu ai ginlam hte asuya de dabang hpe Myitkyina Pangmati de htawt ya na matu laika tang hpyi shawn da ai re hpe chye lu ai. Ya na zawn laika tang hpyi shawn da ai raitim Myen Asuya လူကယ္ျပန ္hkringmang wa gaw ngai hte n seng ai nga nna tsun ai lam, Namati hta dabang (4) nga ai raitim kaga dabang (3) gaw hpyi shawn ai lam n nga ai hpe Lam BrawYang IDPs camp na lakawn lanawn komiti Up Rev.Maran Yaw Htung tsun ai.

Kan La dabang lakawn lanawn komiti Ningtau Ningbaw Hp.t Naw E Se mung dabang kata na lam hpe ya na zawn tsun dan ai. Kan La dabang kata na mungshawa ni gaw Myitkyina Pangmati na masha ni law malawng rai nna Pang Sau Yang hkan, sun galaw sha nga ai ten myen hpyen Dap a htu shadut majan a majaw hprawng yen ra wa ai ni re. Dabang kata tara n hkan ai sha Myitkyina de wa nga mat ai ni hpe mung madi shadaw laika jaw na re lam tsun da sai re ngu matut tsun dan ai. Dabang ni hta shata (2) na daram n-gu malu masha ni gaw naw nga ai raitim si mai si maw mari sha a lu gumhpraw ni yawm wa sai lam Rev. Maran Yaw Htung ya na zawn matut tsun ai. Namti Hpyen yen mungshawa ni gaw Namti kata dabang (4) nga ai rai nna marai 4000 jan daram nga ai re lam chye lu ai.

Leave a Reply

Your email address will not be published. Required fields are marked *