Laiza muk lum kata Maw Daw Seng ke Accident Jahkring hkring Byin Nga

Laiza Muklum Kata Byin ai amu manghkang ni hta Maw Daw Sengke Accident Amu manghkang gaw law dik byin nga ai rai nna nna  September (9) ya shana daw hta mung laiza lawk 5 hka kau lam kaw Sengke Accident byin ai majaw masha marai langai asak si sum ai lam nga ai re.

Asak si sum mat ai wa gaw Je Yang Hpyenyen Dabang na Salang Kaiji Brang Mai ngu ai wa re.Shi gaw manang wa gawt ai hpang kaw hkan dung nang ai wa mahtang rai nna September (10) ya shani shi hkum sawp moi mang hpe Je Yang kaw makoi mayang sai lam Je Yang Dabang Up tsun ai kaw na chye lu ai.

Accident byin ai shara gaw Laiza kaw byin ai raitim masha gaw Je Yang Dabang na re ai majaw Laiza Muklum Balik Dap ni kawn Dabang lit nga ai ni ndai amu hparan la na matu ap dat sai lam Muklum Balik Dap Dabang Reng Marip Seng Du La  tsun ai.

Ndai zawn Laiza muklum kata mawdaw sengke accident amu manghkang jahkring hkring byin ai lam gaw Mawdaw sengke gau hkang tara hpe n hkan nang n hkan sa ai  majaw re nga nna Balik dap Dabang Reng Marip Seng Du La tsun ai.

Accident byin ai shara gaw Lawk (5) Hka Kau lam, Ja Len Zup Lu Sha Seng shawng kaw byin ai re.Ndai hka kau lam kaw sha lai wa sai shata hta mung masha langai Sengke gau nau shapyen ai majaw platform shadaw hpe wa adawt nna hka yawng si mat ai lam nga lai wa sai re, 2018 Ja shata kaw nna September shata du hkra rai yang sengke accident byin ai manghkang 20 lang daram byin ai hta si hkala hkrum ai masha law malawng gaw tsa lu tsa sha ai hte sengke mawdaw gau hkang tara n hkan nang n hkan sa ai majaw re lam seng ang ai Balik ni tsun ai lam chye lu ai.

Leave a Reply

Your email address will not be published. Required fields are marked *