Sara Lum Zawng a sakse ni hpe san jep

Myen Hpyen Dap a sari hpe hkra machyi shangun ai hte hpyen nbungli hte masing nga nga mare masha ni nga ai shara de bawm jahkat gasat ai ngu ai ga si ni hpe Sara Lum Zawng tsun ai ngu nna Myen Hpyen Dap kaw tara shawk shawn da ai lam hte seng nna September (10) ya shani shi sakse ni hpe jep ai re lam na chye lu ai.

Myen Hpyen Dap a sari hpe hkra machyi shangun ai lam nnga ai sha n-ga, hpyen nbungli ni hte mare masha ni shanu nga ai shara hkan masing nga nga bawm jahkat gasat ai ngu ai ga si ni gaw Sara Lum Zawng ntsun ai nga nna tara rung hta tsun da ai lam sakse rai nga ai lam Sara Sut Seng Htoi tsun ai.

Salang Zau Jat, Sara Lum Zawng hte Saranum Nang Pu ni hpe Myen hpyen Dap kaw na tara shawk shawn ai lam gaw Mung shawa ni a matu shinggyim ahkaw ahkang lam ni hte simsa lam hta shamu shamawt nga ai Ramma ni hpe jahkrit shama ai lam re nga nna Saranum Sut Seng htoi tsun ai.

Tara Rung dung nhtoi hpe du wa na September (17) ya shani bai shaga da ai rai nna dai shani hta gaw Salang Zau Jat hte Sara num Nang Pu a sakse ni hpe san jep ai lam galaw na re hpe mung na chye lu ai.

Salang Zau Jat, Sara Lum Zawng hte Sara num Nang Pu ni gaw Ramma ni hpe hkaw tsun hpawng galaw ai hta Myen Hpyen Dap a sari hpe hkra machyi shangun ai lam galaw ai nga nna Pukma 500 hte tara shawk shawn lai wa sai amu re.

 

Photo; MKNJN

Leave a Reply

Your email address will not be published. Required fields are marked *