Marang Htu Sawng Ai Majaw Putao Shara law law Hkawm Sa Hkawm Wa Yak Hkak

Putao Ginwang kata hta lai wa sai bat laman kaw nna marang sawng ai majaw September (9) ya shani mare kahtawng law law hta hka kaba wa ai majaw Mung mare masha ni hkawm sa hkawm wa yak hkak nga ai lam buga masha ni shana wa ai.

Hka kaba hkrum ai mare ni gaw Mung Ngu mare, Wa Sa mare, Man Se mare, Lungmu Dam mare ni re hte, lam shagu hta hka lim ai majaw Cycle ni mung nmai lai, Mung shawa  ni a hkau na Sun wang ni mung hka lim hkrum ai hte hkrunlam ni mung hten nna hkawm sa na pyi Hka Wawn ni hte she hkawm sa ra ai lam Shang Gawng mare na Salang Ah Hpung tsun ai.

September (10) ya shani gaw marang yawm wa ai majaw hka loi li hkyet wa ai lam nga ai raitim marang matut htu sawng wa yang hka bai kaba wa na masa nga ai lam, Hka kaba ai majaw mung shawa ni a Sun wang law law hka lim hkrum mat ai hte, Du Sat yam nga ni Si sum mat ai lam mung nga ai. Kade ram sum machyi mat ai hpe gaw tup hkrak nchye lu ai hte naw matut sawk sagawn nga ai hpe chye lu ai.

Leave a Reply

Your email address will not be published. Required fields are marked *