Sigapore kaw nna awng padang hte bai wa ai ginsup ninghkring ni hpe hkaptau lamang galaw na matu hkyen nga

Singapore Mungdan kaw galaw ai Invitationnal Friendship Tournament Singapore 2018, Karate shingjawng poi hta awng padang lu wa ai Jinghpaw Mung ginsup ninghkring ni hpe Jinghpaw Mung Kyokushin Karate komiti ni woi awn hte September (12) ya shani  wu wu di di hkap tau shagrau chyeju shakawn lamang galaw sa wa na re hpe chye lu ai.

Myitkyina Karate Club hpung shagu na ginsup masha ni kawn September (12) ya jahpawt hkying (8:00)Am hta Yangon kaw nna tinang kanu Mungdan de awng padang hte bai wa  ai  karate ginsup ninghkring ni hpe mawdaw daru kaw sa  tau la nna Shatapru Manau wang de hkap tau lamang bai matut galaw sa wa na re lam Yungwi ninghkring Ah Ba Di tsun ai hpe chye lu ai.

Shatapru Manau wang na hakp tau lamang hpe hkying (10:00)Am aten kaw nna hpang sa wa na re majaw Wunpawng amyu sha  kanu kawa, ramma ni mung wu wu di di sa du shanglawm na matu shabyin shatai komiti kaw nna saw shaga da ma ai re.

Asia Mungdan (10) shanglawm ai Invitational Friengship Tournamment Singapore 2018 shingjawng poi lamang hta  Myen Mungdan a gawng malai hku sa du shanglawm shingjawng ai hta Compion lu ai ni gaw shadang La Ja, Shayi San Mai Nu, Shadang Seng Lat Awng, Shayi Ja Seng Brim hte  Third pize lu ai  ni gaw Sara Yaku, Shadang Sin Wa Awng ni re lam chye lu ai.

Leave a Reply

Your email address will not be published. Required fields are marked *