Hugawng Ginwang Wunpawng Htunghkring Hpung Kawn Hpyen Yen Mung Shawa Ni Hte Bawngban Hkrum Zup Hpawng Galaw

 

Hugawng Ginwang Wunpawng Htunghkring Hpung kawn Hpyen yen mung shawa ni hte sep (18-20) shani du hkra Danai Kin Sa Ra lawk manau wang kaw hkrum zup  bawngban hpawng galaw la lu sai lam chye lu ai.

Hpyen yen mung shawa ni a lamu ga ni hta nhprang sut rai ni htu shaw sha ya nga ai, lamu ga ni garan la nga ai majaw ndai lamu ga ni gaw mung shawa ni prat tup nga wa ai shara re ngu hpe seng ang ai mungdan asuya de tang shawn lu na matu bawngban ai re nga nna hpaji jaw ai hku sa du shanglawm ai KDNG amu madu Sara Steven N-wawt Naw Awng tsun ai.

Anhte a Sai daw sai chyen rai nga ai hpyen yen mung shawa ni hpyi shawn ai lam hpe madung bawngban ai re lam, hpyen yen mung shawa ni kawn dum nta ni hpe grai  marit ai, mare buga de ya jang lagat wa mayu ai, moga kata kaw sha yak yak hkak hkak jam jau nga taw ra ai majaw grai wa mayu ai lam tsun ai nga nna Sara Steven  tsun ai. (

Ya na zawn Hpyen yen mung shawa ni majan a majaw gan tawn kau da ra ai lamu ga ni hpe ရတနာေျမ လုပ္ကြက္ ngu masat kau ya ai majaw grai yawn myit machyi ai lam mung shawa ni tsun nga ma ai re.

Ndai bawngban hpawng hta KDNG hpe hpaji jaw ya na matu saw shaga ai hte sa du shanglawm ai lam, Danai na dak kasa salang ni, Nambyu, Namhkam, N-Ga Ga, Awng Lawt hkan na hpyen yen mung shawa ni sa du shanglawm ma ai lam shisawk Ing Raw tang madun da ai.

Leave a Reply

Your email address will not be published. Required fields are marked *