Mung Masa Sut Masa Hkaja Hpawng galaw

Mungmyit Sinli Ga, Sam Mung Htunghking Ginjaw Manau Wang kaw October (4) hte (5) ya shani Kutkai Ginwang Bawng Ring Dap, Kutkai Buga Bawng Ring, Net Organization, RCM Kutkai , Metta  hte NGO ni  pawng hpawm nhtawm Mung Masa Sut Masa hkaja ai hpawng hpe galaw la lu sai lam Net Organization Lithkam Sara Num Lamai Mai Mai tsun kaw na chye lu ai.

Ndai hkaja hpawng hta Sara Tsai Yi kawn One Belt One Road hte seng ai lam hpe woi hkaja nna Sara U Maung Maung Soe kawn Myen Mungdan a Mung masa lam ni hpe hkaw tsun ningmu ginlen ya let Machyoi Hpung Rap Daw (TAT) kaw na Sara Dumsa Dau Hka kawn amyu sha ni a Mung masa hpaji hpe hkaw tsun sharin ya ai re hpe na chye lu ai.

Miwa Asuya a One Belt One Road sut masa masing hpe azi yu let chye na hkawn hkrang wa sai lam, 2008 gawda ai tara gaw Amyu Bawsang ni a nsen ningmu hpe jut de matsut tawn da ai  hte Asuya mahtang woi gram lu hkra woi shakut ra ai lam hpe garan ginhka mu mada chye wa lu ai hte Amyu sha hte Mung Masa gaw, Hkum ding dek sai lam kata jung nga ra ai, Amyu sha Mung Masa Pinra hpe hkawn hkrang nga ra ai  lam hpe ndai sharin hpawng hta hkaja la lu ai lam sharin hpawng hta sa du shanglawm ai ni tsun ai.

Ndai sharin hpawng hta Kuthkai Ginwang kata na ni nawn ai Buga langai mi hta na marai (4) saw shaga da ai rai nna Kuthkai buga hpung masha, RCM Kuthkai hte IDP na myit su salang yang marai (150) grup yin sa du sharin hkaja la ai re hpe chye lu ai.

Leave a Reply

Your email address will not be published. Required fields are marked *