Sam Mung Wunpawng HkringmangNinggang kashun gawdin ginsup lamang hpaw poi galaw

Sam Mung Wunpawng Htunghking hpung Ramma Dap kawn woi awn galaw ai Sam Mung Wunpawng Hkringmang Ninggang kashun gaw din ginsup lamang hpe October 8 ya shani hkying 2;00Pm aten hpaw lamang galaw la lu sai lam chye lu ai.

Ndai ginsup lamang gaw Sam Mung ginra hta shawng  ningnan lang galaw ai rai nna Mungmyit Sinli Ga ramam ni Myit hkrum gahkyin gumdin na matu, hkamja zet let ai ramma ni byin tai na matu, Nanghpam lu sha hpe koi yen lu na matu hte kung kyang ai ginsup ninghkring ni paw pru wa na matu yaw shada let galaw ai re lam ginsup komiti na media lithkam Sara Dau Ze tsun ai kaw na chye lu ai.

Ndai ginsup lamang hpe October 8 ya shani kaw nna 29 ya shani du hkra galaw sa wa na re hte Amyu Sha htunghkying hte seng ai salang ni, Makam masham hpung magam gun Myit su salang ni hte  seng ang ai Asuya Magam Dap na Salang ni mung Sa du shang lawm n-gun jaw ai lam chye lu ai.

Leave a Reply

Your email address will not be published. Required fields are marked *