Kawa Hka mare Lupwa Kawng dingsa kaw Myen Asuya Balik Dap gaw gap na matu hkyen lajang ai hpe Mung shawa ni nra sharawng

Myitkyina Ginwang, Kawa Hka mare Lupwa Kawng dingsa kaw Myen Asuya kawn Asuya madu ai lamu ga re ngu nna Balik Dap gaw gap hkyen ai hpe Mung mare masha ni nra sharawng ai lam na chye lu ai.

Ndai lamu ga gaw Mung shawa ni a lamu ga re Asuya madu ai lamu ga n re, ndai lamu ga hpe mung mare masha yawng a matu akyu rawng ai ginra lama ma gaw gap na matu hkyen lajang da ai, Asuya kawn Mung mare masha ni akyu jashawn ai lamu ga hpe zing madu la ai gaw yawng n ra sharawng ai nga nna Mying n shadawng ai buga masha langai tsun ai.

N dai lam hte seng nna Oct 6 ya shani Asuya salang ni lung wa nna shadaw ni jun da na matu galaw wa ai hpe Mung mare masha ni ninghkap n-gun madun na matu hkyen lajang wa ai raitim nawku makam masham Hpung Salang ni, mare kanu kawa salang ni hte Asuya Salang ni hkrum bawng ban ai hta dai shara kaw Balik Dap n-galaw sana lam jahkrup la lu sai re nga nna Myu sha Pyen U shana wa ai kaw na chye lu ai.

 

Leave a Reply

Your email address will not be published. Required fields are marked *