KBC Kawa La Hpu-awn ni a hkrumzup sharin hpawng ngut kre

Jinghpaw Wunpawng Hkalup Hpung Ginjaw, La Magam Dap kaw nna woi awn galaw ai  7th lang na KBC La Ningbaw Ningla Sharin Hpawng hpe October (3) kaw nna October praw (8) ya shani du hkra Lahta Sam Mung Lashio Buga kaw angwi apyaw galaw ngut kre la lu sai lam chye lu ai.

Sharin Hpawng hta Ningbaw Ningla Langai mi hta nga ra ai myit jasat hte magam lit ni, Hkristan Dinghku Kawa La ni a arawn alai kasi, Amyu sha hte Kani Nanghpam Lam, Hkam Kaja asak hkrung lam hpe woi gaw gap ai kawa ngu ai gabaw ni hpe jawm sharin hkam la ai re hpe hpawng hta shanglawm ai Woichyai hpye yen dabang hkalup hpung la hpu-awn Hpt. Mahkaw Yaw tsun shana ai kaw na chye lu ai.

Hpawng lamang hta KBC shang wang kata ginwang  kaw na Noq Mung Ginwang hte OKBC ni gaw nlu sa du shanglawm ai lam nga ai rai nna ngam ai Ginwang (14) kaw na buga kawa la hpu-awn ni marai (800) jan sa du ai lam nga ai re hpe mung chye lu ai.

Ndai Sharin hpawng hta Ginwang hte Ginwang kawa la ni hku hkau gawdin shingjawng lamang mung shana daw aten ni hta galaw ai rai nna Mungmau Ginwang Kawa La ni hte Lawu Ga Ginwang Kawa la ni Ninggang kashun ai hta Mung Mau Ginwang Kawa La ni gaw KBC La Magam Dap gawdin Lung Seng Ninggang hpe lu la ai lam chye lu ai.

Leave a Reply

Your email address will not be published. Required fields are marked *