Di Maw Myo Kaw Hkam Bawm Kapaw Ai Majaw Mung Mare Masha Ni Grai Hkrit Tsang Nga Ma

 

Sam Mung Dingdugn daw Ti Baw kaw October (9) ya shani Hkying (3:00) Pm Daram hta bawm kabaw wa ai majaw Na Mun Mare hte Na Chyai mare masha ni grai hkrit kajawng nna Ti Baw Awng Ming Gala Bu Taw Jawng  de hprawng koi yen mat ai lam na chye lu ai.

Ti Baw Makau grup yin hta myen hpyen Dap ni shamu shamawt shang wa ai majaw  Lai wa sai September praw kaw nna Gasat gala majan jahkring hkring byin ai majaw mung mare masha ni hkrit tsang nna yi sun hkau na Nlu galaw mat ai lam na chye lu ai.

Lai wa sai Shata laman lahta sam mung hte Mung Myit Sinli ga Ginra ni hta byin ai majan a majaw Mung mare masha ni hkala hkrum ai hte Myen hpyen dap ni gap dat ai laknak kaba si ni a majaw mung mare masha nta law law mung hten hkrum mat ai re. lai wa sai September 29 ya shani hta mung Kut hkai hte Sinli lapran Man Pin Kaw TNLA hte Myen hpyen Dap ni gasat gala majan byin ai hta WunPpawng Num kasha langai hte Man Ping mare na cycle jawn wa ai Miwa amyu sha lahkawng, hkala hkrum mat ai lam,Jan Mahkaw Kaw Mai,Salang Kareng  Awng li,Salang Maran Zau Mai, Salang Jangmaw La hpung,Salang Mangshang Bawm Yaw ni a nta hte Mi wa nta (2) mung Myen Hpyen hpung ni Gap dat ai laknak kaba Si wa hkrat bun ai majaw Dum nta hten hkrum mat ai lam shi sawk Ah Kai tang madun da ai.

Leave a Reply

Your email address will not be published. Required fields are marked *