Sadung Ginwang Lungbyen Mare Ka-Ni Dawn Dabang Kaw Karai Mung Ga Sharin Hpawng Galaw Nga

Sadung Ginwang Kani nanghpam pat jasan Komiti kaw nna lit la woi awn let lungbyen mare kaw hpaw tawn da ai ka-ni nanghpam dawn jasan dabang hta October praw 2 ya kaw nna October 12 ya shani du hkra mungga sharin hpawng galaw nga ai lam na chye lu ai.

Sadung ginwang gaw Ka-ni nanghpam grai sawng ai ginra re, raitim Sadung ginwang ka-ni nanghpam pat jasan komiti ni kawn mahkrun shaw let pat jasan magam bungli hpe matut manoi galaw nga ai lam Sadung ginwang pat jasan Komiti ni shana wa ai.Lungbyen mare Ka-ni nanghpam dawn jasan Dabang kaw karai mungga hpe sha sharin ya ai hku nre sha hkai lu hkai sha hte Rem lu rem sha magam bungli ni hpe mung woi galaw nga ai lam Sadung Ginwang Pat Jasan Ningbaw Salang Awng Doi  tsun dan ai.

Sadung ginwang kata kaw ka-ni dut shalai ai masha ni hpe Myen hpyen dap hte jarit sin hpyen hpung BGF ni kaw nna ahkyak la ai lam n nga,Amyu sha ginra de Ka-ni dut lu dut sha, Hkai lu hkai sha ai masha ni wang lu wang lang galaw lu galaw sha nga ai majaw Pat Ja San bungli shang na matu grai yak hkak nga ai ginra re hpe mung matut na chye lu ai

Leave a Reply

Your email address will not be published. Required fields are marked *