KIA Masat (4) Dap Ba hte Masat (8) Dap Ba ginra hta gasat gala majan byin

KIA Masat (8) Dap Ba, Masat (5) Dap Dung ginra, Sinbo Ninhtawn Hkawng Me mare maga de October (11) ya shani dap mying nchye lu shi ai Myen hpyen hpung ni shamu lung wa ai majaw KIA hpyen hpung ni hkap shingla gasat dat ai kawn gasat gala byin nna gasat gala byin ai majaw Hkawng Me mare na Mung mare masha ni nam de hprawng koi yen ra mat ai lam ni nga ai hpe na chye lu ai.

KIA Masat (4) Dap Ba, Masat (8) Dap Dun g ginra de shamu shamawt shang wa ai Myen Hpyen Dap Dap Nu (99) kata na Myen hpyen hpung ni October (11) ya jahpawt hkying (9:30)Am aten daram hta Pang Ga Nai Bum maga de htu shadut lung wa ai majaw KIA hpyen hpung ni hkap shingla gasat dat ai kawn gasat gala byin ai lam nga ai.

Mung Myit Sinli Ga hte Lahta Sam Mung ginra ni hta lai wa sai September shata praw kaw nna Myen Hpyen Dap ni grau nna bai shamu shamawt shang wa ai majaw gasat gala majan jahkring hkring byin nna Mung mare masha ni tinang mare kahtawng kaw na kahtap kala rai hprawng yen ra nga ai hte yi sun hkau na galaw lu galaw sha lam hte hkawm sa hkawm wa lam mung yakhkak hkrum nga ai re hpe sawk sagawn chye lu ai.

 

Leave a Reply

Your email address will not be published. Required fields are marked *