Myen hpyen hpung ni Nawng Pa mare masha marai (5) hpe rim woi mat

Kuthkai ginwang, Na Chyan, Nawng Pa mare de shamu shamawt lung wa ai Myen Hpyen Dap Dap Nu (99) kata hpyen hpung ni October 11 ya shani Nawng Pa mare na mare masha marai (5) hpe rim woi mat wa ai lam buga masha ni shana wa ai kaw na chye lu ai.

Rim woi hkrum mat wa ai mare masha ni gaw KIA Masat (4) Dap Ba, Masat (8) Dap Dung ginra de Myen hpyen hpung ni htu shadut shang wa ai majaw gasat poi byin wa ai hpang mare masha ni Nam de hprawng koi yen mat ai hta majan loi zim nna dai mare masha marai (5) yi gan sa gawan ai kaw rim woi hkrum mat ai re. Rim woi hkrum mat ai ni gaw Salang U Sang Hkawng Lum Asak (45) ning, Shadang U Sang Dau Hkawng Asak (17) ning, Shadang Dumhpau Brang Asak (14) ning, Jan Lashi htang San hte Jan Hkawn shawng ni re hpe chye lu ai.

October 12 ya shani hta gaw Jan Lashi Htang San hte Jan Hkawn Shawng yan gaw Zup Awng hpyen yen dabang na re hte chyu chyu ai ma lu ai lam tsun ai majaw bai dat ya asi raitim ngam ai marai (3) hpe gaw naw rim woi tawn da ai hpe chye lu ai.

Leave a Reply

Your email address will not be published. Required fields are marked *