Sadung Kampaiti Lam Lapran Kaw Ga Sharut Gyi Nna Hkrunlam Pat

Sadung Lam Lapran na Shilaw hka mahkrai makau mayan hta October 14 ya shana daw hta Bum n tsa na sharut ga gyi ru wa ai majaw mahkrai daw hten mat nna hkrunlam pat mat ai lam Ginra masha ni shana wa ai kaw na chye lu ai.

Shilaw hka mahkrai gaw Lahpai mare hte Shingjai lapran kaw nga ai rai nna tung bing mawdaw langai lai ai hpang bum n tsa na sahrut ga gyi ru wa ai re lam dai ginra na Salang langai  tsun ai.

Shawoi ga gyi pat hkrum ai shaloi ga ganaw mawdaw hte 2,3 ya ganaw kau yang mai lai sai.Ya na gaw koi yen nna lai na shara nnga ai.mahkrai nan daw hten mat ai majaw yak mat ai nga nna dai Salang wa matut tsun ai.

Sadung ginra hta laban bat mi tup marang matut manoi htu nga ai rai nna ndai sharut ga gyi pat ai lam a majaw Myitkyina Kanpaiti Hkrunlam mung gan hkring nga ai hpe shisawk ah roi seng tang madun da ai.

Leave a Reply

Your email address will not be published. Required fields are marked *