Myitkyina Muklum Hta Sengke Lagu Lagut Manghkang Jahkring Hkring Byin HKrum Nga

Myitkyina Muklum Yan Gyi Awng Hpungkyi jawng shawng kaw October (17)  ya shani hta sengke lagu manghkang bai byin ai lam na chye lu ai.

Dai Sengke sau dut seng kaw sengke lagu ai lam jahkring hkring byin  nga ai hte sengke lagu ai kadai re hpe tup hkrak n lu sagawn ai lam buga masha ni tsun ai.

Ndai zawn lagu lagut law wa ai gaw Tara upadi ka-up lam gawng kya ai hte ja gumhpraw, kan bau magam bungli yak hkak wa ai majaw ya na zawn byin wa ai re nga nna KSDP pati Ningbaw Dr.Manam Tu Ja tsun ai.

Myitkyina muklum hta lagu lagut ai law wa ai gaw Nanghpam lu sha ai majaw, ja gumhpraw hpe law law jai lang mayu ai raitim bungli hpe a tsawm n kam galaw ai sha loi  loi hte jai lang mayu ai majaw ya na zawn lagu lagut law wa ai hpe mu mada ai lam saranum Sabaw Seng Ja tsun ai.

Myitkyina muklum kata lagu hkrum ai sengke law malawng gaw 125 sengke,Clip Sengke hpan ni re ,  Ramma ni ka-ni nanghpam hta len mat ai majaw lagu lagut mangghkang law ai re lam,shani chying tung a ten raitim masha n nga ai dum n ta hkan a rung a rai ni shang lagu ai lam  hte hpang daw de gaw num kasha ni du hkra lagu lagut wa ai lam, Lai wa sai ten ginra ka-ni Nanghpam pat jasan komiti ni sengke lagu lagut masha ni hpe rim jep ai hta masha n kau ni marai 1 sengke 200 hkawt lagu ai hpe mung jep joi la lu lai wa sai hpe shi sawk Sim Sa Tu Tang madun da ai re.

Leave a Reply

Your email address will not be published. Required fields are marked *