Hpyen Yen Mung Mare Masha Ni Kawn Tinang A Dum Nta De Bai Lu Wa Na Matu Seng Ang Ai Salang Ni Hkyen Lajang Nga Sai

Hpyenyen Mung mare masha ni tinang a dum nta de bai wa lu na matu  October (23) ya shani Hpyen yen lakawn zinlum hpung ni hku nna hkrum zup bawngban hpawng galaw na re lam chye lu ai.

Dai bawngban hpawng hta KBC ningbaw ningla ni hte RC na ningbaw ni  lawm rai nna hpyen yen mung mare masha ni  a lamu ga ni nmat mat na matu,hpyen yen ni a lamu ga ni hpe kaga masha ni dut mari zing la kau ya ai lam nbyin na matu hte kaga lawnlam law law hpe bawngban sa wa na re lam Wajau Hka Awng Tu  tsun ai

Hpyenyen mung mare masha ni a lamu ga ni hpe Myen asuya hte gindun nga ai masha ni kawn miwa lauban ni hpe langu hkai na matu shap sha ai lam nga ni law law ai majaw KIO asuya gaw mung mare masha ni a lamu ga ni hpe kadai zing madu la kau ai lam n galaw na matu ndau laika shapraw da lai wa sai re hpe chye lu ai.

Ndai Bawngban hpawng ngut ai ten Myen mung asuya hte KIO lahkawng maga na asuya hpe tang madun nna matut galaw sa wa ra ai magam bungli ni hpe bai galaw sa wa na re lam matut tsun da ai.

2011 shaning Wunpawng buga ginra hta majan byin hpang ai kaw na ya aten du hkra hpyen yen mung mare masha yawng sen mi jan nga sai lam hpyen yen lahkawn lanawn uhpung uhpawng ni a sumtang kaw na mu chye lu ai.

Leave a Reply

Your email address will not be published. Required fields are marked *