Manmaw kaw Hkawnji Brangji sharin hpawng galaw

Manmaw Ginwang Ebbyu Buga Hpung kaw Hkawnji Brangji ni hpe U gawn jawng dat laman chyum laika sharin let chye ging chye mai ai hpaji ni hpe sharin ya ai lam na chye lu ai.
Hkristan Hpaji Dap n pu kaw na Hpung jawng komiti ni woi awn let October 25 kaw nna 27 ya shani du hkra sharin na re hte ndai sharin hpawng hta tsang 7, 8 jawng ma ni u gawng jawng dat ai ten laga poi hkan lawn hkawm, wam dam hkawm na malai chye ging chye mai ai hpaji ni hpe sharin ya ai re.
Hkawnji Brangji ngu gaw Ramma pang de lahkam shang wa sai re majaw gara gaw kaja ai gara gaw n gaja ngu hpe chye ginghka lu na matu, ka-ni nanghpam hpe koi gam chye ai ramma ni tai wa na matu hte U gawn jawng dat ai ten majoi nga wam dam hkawm ai lam n nga hkra, Karai Kasang a chyum laika hpe chye na hkawn hkrang nna madat mara myit rawng na matu, laika hpaji shakut chye ai ma byin wa lu hkra hte hkam ja zet let ai hte sak hkrung hkawm sa lu ga ngu yaw shada let ndai sharin hpawng hpe galaw ai re lam Rev. Lagai Tu Nau tsun ai kaw na chye lu ai.
Hkawnji Brangji ni a galai shai nga ai myit gasat ngu ai gabaw hpe AZG, NGO ni sharin ya n htawm, hkye hkrang la ai lam hpe Rev. Marip Awng Li, Akyu hpyi ai lam Srn Laimaw Kai, Karai Kasang a lam Srn Mahkaw Bawk Ja, Hpaji chye ai ma Dr. Lahpai Nang San, ni sharin ya ai hpe chye lu ai.

Leave a Reply

Your email address will not be published. Required fields are marked *