Myen Hpyen Dap ni KIA Hpyen Dap de gap gasat wa ai majaw Mung mare masha ni hkrit nna hprawng yen ra

Myen Hpyen Dap, Dap Nu (99) hpyen hpung ni October 31 ya shani Man Hwi mare makau de shang nna KIA Masat (9) Dap Dung de gap gasat wa ai majaw Mung mare masha 100 jan hkrit ai majaw Mawhan buga hkalup hpung de hprawng yen nga ai lam chye lu ai.

“Kuthkai Mawhan nawku jawng kaw Man Hwi, Nawng San, Jang Hkung mare 3 na Mung mare masha ni 100 jan gaw sinat ngoi wa ai majaw October 31 ya shana de hprawng yen wa ai rai nna ya ten buga  hpung wang kaw byin mai ai hku nga nga ai hte Metta garum hpung ni hte CCCT team ni mung malu masha hte arung arai ni sa garum jaw ai lam nga ai” nga nna dai buga na Rev. Lahtaw Zau Gam tsun ai.

Man Hwi mare na wang nhpan kum nga ai jan Bawm Myaw hpe mung Myen Hpyen Dap ni gap dat ai pala hkra nna dang bau shan ye mat, hkra maga lahpa npu garep kaw hkra nna ya ten Lashio tsi rung kaw tsi tsi hkam la ra nga ai hte ga lajang na matu aten naw la ra ai lam Rev.Lahtaw Zau Gam matut tsun ai kaw na chye lu ai.

Leave a Reply

Your email address will not be published. Required fields are marked *