Myen hpyen la ni Mung mare masha marai (6) hpe sinat hte gap ai manghkang hte seng nna hparan ya ai lam nnga

Hpakant, Nay Min Kabar Company kaw sin ai Myen hpyen la ni kawn sinat hte gap bun ai hta hkala hkrum ai Lungseng tam mung masha marai (6) gaw ya ten hta Hpakant tsi rung kaw tsi tsi hkam la nga ai lam Myu Sha Zinlum Hpung ni shana wa ai kaw na chye lu ai.

Dai manghkang hpe Company kawn hparan ai lam nnga shi ai re, Mare Uphhkang Salang ni hte Kanu, Kawa ni matut bawngban jahkrup nga ai madang sha re nga nna Myu Sha Zinlum Hpung na Salang Dashi Naw Lawn tsun shana wa ai.

Ndai manghkang gaw lai wa sai October 31 ya shana daw hta Company ni ahkang jaw ai kata kaw byin hkrum ai re hte October shata laman hta sha Namti Na Shadang Wa Hkau Naw hpe Myen Balik ni sinat hte gap ai manghkang hparan ngut ai kade nna shi ai re hpe chye lu ai.

Leave a Reply

Your email address will not be published. Required fields are marked *