Myu Tsaw Onlne Garum Hpung Hpaw Ai Laning Mi Hpring Chyeju Shakawn Kyu Hpyi Hpawng Galaw

Myu Tsaw Online Garum Hpung hpaw ai laning mi hpring chyeju shakawn akyu hpyi hpawng hpe November 5 ya shani Mai Ja Yang kaw galaw ai lam na chye lu ai.

Myu Tsaw Online Garum Hpung kawn Maija Yang Manau Wang makau kaw hpaga rung hpaw da ai hte hpaga rung hta na shakya rai, tsi mawan hte Jinghpaw maka hte galaw da ai hkyep ding ni hpe mai lu ai lam, Myu Tsaw Online Garum Hpung na dai arung rai hpe Miwa Gumsan mungdan kaw nga ai ni yawng mai htet la ai hte dai kaw na lu wa ai ja gumhpraw ni yawng hpe yak hgkak hkrum nga ai hpyen yen mungshawa  ni hpe garum na matu yaw shada ai re lam Jan Maran Ja Seng Pan   tsun ai.

Myu Tsaw Onlin Garum Hpung gaw Online n tsa hta group hpaw let alu ja gumhpraw ni hpe hta la nna hpyen yen tsim yam hkrum nga ai shara ni hte matsan mayan hkrum nga ai myu sha ni hpanng de dangdi dang dep ai ram sa du garum ai lam galaw nga ai rai nna Amu madu magam lit hpe mung Jan Maran Ja Seng Pan lit la gun hpai ai kaw na Dashi Sut Ring Awng Mai hpe bai galai ap ya ai re  lam chye lu ai.

Ndai chyeju shakawn kyu hpyi hpawng hta Myu Sha Online Garum Hpung, Madu Hta Manoi Nga Ga Garum Hpung ni sa du shang lawm ai hte gabu gara galaw la lu sai lam shisawk Tangbau Ahsan tang madun da ai

Leave a Reply

Your email address will not be published. Required fields are marked *