Machyang Baw Buga Kaw Galaw Ai Ramma Ningbaw Ningla Sharin Hpawng Ngut Kre Sai

Putao Machyang Baw kaw galaw ai KBC shang wang kata nga ginwang shagu na Buga Ramma Ningbaw ningla ni a hkrumzup sharin bawngban hpawng hpe angwi apyaw hte shangut la lu sai.

Sharin bawngban hpawng hta KBC Makam hkridun a lam hpe KBC ningtau amu madu Rev Lagang Ze Hkawng, Gawng Malai Tai Ap nawng daw jau ai lam hte seng ai hpe Dr Galau Sau Bawm yen kawn woi sharin hkaja ai lam galaw ai.

Hpawng hta KBC USA Ginwang hte Kyeng Tung Ginwang lahkawng hta lai kaga ginwang ni yawng kaw na ramma hpuawn ni marai 439 sa du ai re.

Ndai KBC Ramma Ningbaw ningla hkrumzup sharin bawngban hpawng gaw Putao ginwang a matu labau shang ai lamang re lam hte lamang hta Putao Ginwang sha nrai Nqo mung Ginwang ni mung shanglawm garum ai hte galaw la lu sai re hpe Putao Ginwang Ram hpuawn tsun ai kaw na chye lu ai.

Zuphpawng sa ai ramma ni yawng gaw November praw 5 ya shani kadai mung kade a ginwang buga de bai nhtang wa sai rai nna, Ginwang Ramma hpuawn ni gaw Sumpra Bum kaw Zuphpawng matut galaw sa wa na lam nga ai.

Leave a Reply

Your email address will not be published. Required fields are marked *