Hpyenyen Mung Shawa Ni Shara Nnan De Htawt Sit

Myitkyina Nam Koi mare Kabu dam COC nawku jawng wang kaw lai wa sai shaning kaw nna hpyen koi yen nga ai mung shawa ni Dabang shara nnan de November (12)ya shani htawt sit nga sai lam chye lu ai.

Ndai hpyen koi yen mungshawa ni gaw Danai Ting Kawk mare na mung shawa ni rai nna ya gap ya ai shara gaw Kabu Dam Mare na Hpt Awi Wang Abai a htingbut htingra kaw shap nna nga shara nta gawgap ai hpe ICRC kawn lit la gawgap ya ai re   Sara San Nai Hpi tsun ai kaw na chye lu ai.

Lai wa sai shaning UNHCR kawn (plastic) nta ginsum hpe htinggaw yawng hpra gap ya lai  wa sai raitim ya aten hten ma wa ai majaw ICRC garum ningtum hpung hpe tang madun nna ICRC ni kawn gawk 7 rawng ai yup len nta (2) hte Nam Dum Hka Dum ni hpe gap ya ai re nga nna Sara San Nai Hpi tsun ai.

Kabudam mare na hpyen yen mung shawa ni gaw marai (30)jan sha nga ai rai nna garum ntum ding yang nlu ai majaw malu masha a matu mayak mang hkang ni mung nga ai hpe chye lu ai.

Leave a Reply

Your email address will not be published. Required fields are marked *