Myen Hpyen Dap hpe madi shadaw ai lamang hta Wunpawng amyu sha ni nshang lawm

Myitkyina,Tsing Mya Ayer Pan Chan shawng kaw December 3ya jahpawt Myen hpyen Dap hpe madi shadaw ai lamang galaw ai lam gaw Wunpawng buga masha ni madi shadaw lawm ai lam n nga ai hpe na chye lu ai.

N dai lamang hpe Myen hpyenla dingsa ni woi awn galaw ai lam,(ICC)kawn Myen hpyen Dap hpe a hkyak la wa sai re majaw mung shawa ni kawn Myen hpyen Dap hpe madi shadaw ai masa hku nna madun mayu lam re hte lai wa sai ten mung shawa ni roi rip hkrum ai lam grai law ai re majaw anhte mung shawa ni gaw, kam na lam n nga nga nna Myu sha Zin Lum Hpung Hpa-awn Sara.Zau Jat  tsun ai.

Myen hpyen Dap hpe madi shadaw ai lamang gaw Wunpawng myu sha ni Myen hpyen Dap hpe madi shadaw ai ngu ai shingna shingwang hpe madun mayu ai majaw galaw ai rai tim anhte Wunpawng myu sha ni n shang lawm ai, hkap mung n hkap la ai,lam (KSP)Pati Ningtau ningbaw Salang.Gumgrawng Awng Hkam Mung  tsun ai.

Ndai zawn Myen hpyen Dap hpe madi shadaw ai lamang hpe Lashio, Taung Gyi,Kaya hte Myikyina ni hta galaw ai rai tim ndai lamang hta Myen hpyenla dingsa hte shahte a nta masha ni sha sa shang lawm ma ai lam shi sawk Langyaw Ahyung tang madun da ai kaw na chye lu ai.

Leave a Reply

Your email address will not be published. Required fields are marked *