Sut Ring Ningja Manau Poi Hpang Nga Sai

Thai mungdan, Chingmai Gingwang, Ban Mai mare na Jinghpaw Wunpawng mare kaw December (4) ya shani kaw na Sut Ring Ningja manau poi galaw hpang nga sai lam na chye lu ai.

Sut Ring Ningja manau poi gaw n nga mat sai Thai hkawhkam rama-9 hpe shakram ai lam hte shi shara galai ai hkawhkam n nan rama-10 hpe mung hkalum ai lam re,Ndai manau poi hta kanu mungdan hte maigan mungdan shara shagu Wunpawng myu sha ni rau  hkrum zup let shang lawm galaw ai re hpe na chye lu ai.

Manau poi hpe December (4) ya shani kaw nna (7) ya shani du hkra galaw sa wa na re hpe chye lu ai, Ban Mai mare gaw Thai mungdan kaw kaba dik htum ai Jinghpaw Wunpawng myu sha ni a mare rai nna (2)ning hta kalang manau poi kaba galaw ai re, dai ning gaw (7)lang ngu na Thai mungdan, Ban Mai kaw galaw ai manau poi mung re hpe shi sawk Langyaw Ahyung tang madun da ai kaw na chye lu ai.

Leave a Reply

Your email address will not be published. Required fields are marked *