Kachin Pawng Hpawm Pati Ni Hte American,Britain Hkringmang Salang Ni Hkrum Zup

Kachin Pawng hpawm mung masa pati ni hte American,Britain Hkringmang salang ni December (4) ya shani Hkying (2:00)Pm aten daram hta Myitkyina Palm Spring Hotel kaw hkrum zup ai lam galaw ai re hpe chye lu ai.

Hkrumzup hpawn hta Myen mungdan shakut shaja nga ai Simsa lam hte seng nna ganawng n-gun jaw garum na matu tsun ai lam,IDP hte seng ai lam, Myen mung rawt jat galu kaba wa na lam hta Hpaji lam, Hkamja lam grai ra kadawn nga ai lam,Mung masa ni a shamu shamawt Pati lam,Myen asuya a lamu ga Upadi hte seng ai lam hte kaga ra nga ai lawng lam law law hpe tang madun ai re nga nna Dr Manam Tu Ja  tsun dan ai.

Ya na zawn American hkringmang ni sa du ai lam gaw Myen mung a masa lam hpe chye mayu ai majaw shiga hkan gahkyin ai re,kachin mung masa pati ni hku nna tang madun ai lam ni hpe mung shanhte hku nna hpaji jaw ai lam hpe,Mai byin ai ladat hte  lit la galaw sa wa na re lam, Simsa lam hte seng nna tang madun ai hpe mung hkap la n-gun jaw ma ai,pati pawng hpawm na lam hte seng nna mung N-gun jaw ai raitim garan ginhka ai lam nmai galaw ai nga nna mung n-gun jaw da ai re na chye lu ai. American hkringmang salang ni hte kachin mung masa pati ni hkrum zup ai gaw shawng ningnan lang re hpe chye lu ai.

Leave a Reply

Your email address will not be published. Required fields are marked *