Danai Shingbwi yang mare kaw Myi hprat wan hte seng ai bawng ban hpawng galaw la lu sai

Danai Shingbwi yang mare kaw Myi hprat wan Unit mi kaw kyats 300 bang ra na hte seng nna mare masha ni nhkap la ai majaw bawng ban hpawng kalang bai galaw ai lam na chye lu ai

Shingbwi yang mare, Naga nawku jawng kaw November (5) ya shani hkying (1:00)Pm daram hta Up hkang du,Balik Dap up,wan sat Dap up, mare masha ni yawng marai 300 daram sa du bawng ban ai lam,Bawng ban hpawng hta Golden Lidu hpung ni kawn tsang 10 san poi ngut hkra Unit mi kaw kyats 150 hte shata 4 naw matut jaw na hpe mare masha ni hte myit hkrum bawng ban da lu ai sai re lam Salang Doi sam kawn  na tsun ai.

“Golden Lidu hpung ni laiwa sai shata 3 hta ndai laman laika san poi ngut  nna Unit mi hpe 150 hte la na ngu na mung shawa masha hpe ta masat htu shagun na Myit hkrum bawng ban da ai lam  ni nga ai”

Mare kata kaw wan galaw na matu   hka mung hkrak ai majaw company kawn Myi hprat wan atsawm galaw ai rai yang gaw shingbwi yang mare kaw sha n-ga Danai ,Daru ,Daga de mung lu jaw na re lam ,Myi hprat wan hte seng nna mare masha ni hte company ni myit hkrum ta masat htu ai shaloi she matut na gara hku ,shata kade bai matut na ngu ai hpe chye na re nga nna Salang Doi Sam matut tsun da ai.

Leave a Reply

Your email address will not be published. Required fields are marked *