Masat Shadaw (6) Hpyenyen Dabang Kaw Miwa Asyu Ya Sa Du

Masat shadaw (6) hpyen yen dabang kaw  Miwa mung dan  ,YingJang Ginwang Asuya ,Nam maling gawn hkang Du woi awn nna mungdan lahkawng lapran sharaw wan nat shalai ai lam n nga hkra jawm makawp maga na matu  December praw (6) ya shani sa tsun bawng ban ai re lam na chye lu ai.

Ndai laman sharaw wan lai ai lam gaw n nga ai rai tim    Miwa Asuya ni gaw nshung ta du, gin htawng mung du wa sai re majaw wan hpe grai sadi ga,hpyen yen dabang hta ma  ni law ai re majaw sharaw wan lai ai mang hkang n byin na matu mung sa tsun  sadi jaw ai re hpe na chye lu ai.

Ya aten Miwa Asuya kawn Jarit  pru shang lam ni hta grai jep joi  ai lam ni nga ai majaw hpyen yen mung shawa ni hkawmsa hkawm wa yak hkak nga ai  sha n-ga garum ningtum sa jaw na lam mung yak hkak nga ai hpe na chye lu ai.

Jarit lapran pru shang grai yakhkak ai majaw masat shadaw (6) hpyenyen dabang kaw shanu shingbyi nga ai hpyenyen mung shawa ni malu masha n-gu ni hte laga lum palawng hpun nba ni mung grai ra ladawn nga ai re, garum matum hpung ni kawn sa du na matu mung yak hkak nga ai lam Salang langai tsun ai hpe shi sawk Ah Mun tang madun da ai kaw na chye lu ai.

Leave a Reply

Your email address will not be published. Required fields are marked *