Myen hpyen Dap kawn lani mi kyats sen manga hta nna Pat Lagu Htu sha shangun

Danai mayan na pat maw ni hta   Myen hpyen Dap ni gaw lani mi gumhpraw kyast sen 5 hta la nna pat  lagu htu na ahkaw ahkang jaw n htawm makau mayan kaw nga ai mung shawa ni hpe gaw lawan htawt sit na matu tsun shadut nga  ai lam na chye lu ai.

Ya aten hta tara shang hpaw ai lam nnga shi ai rai tim myen hpyendap ni gaw lami mi hta gumhpraw Kyats sen 5 hta nna  lagu htu sha shangun nga ai lam pat maw makau grupyin hkan nga ai mung masha ni hpe mung lawan htawt sit na lam tsun shadut nga ai hte shan hte hpyen Dap ni gawan hkawm nna mu yang gap na nga nna jahkrit shagyeng ai lam ni mung nga ai lam  dai mare na Salang Langai tsun dan ai kaw na chye lu ai.

Ndai zawn mung mare masha ni kaw gumhpraw hpyi shagyeng nna pat lagu htu sha shangun ai hta shan hte myen hpyen Dap shada gumhpraw garan sha n -gu ai majaw mang hkang ni jahkring hkring  byin nga ai lam ,ginra masha ni hpe mung jahkrit shagyeng  ai lam ni galaw nga ai re hpe na chye lu ai.Danai mayan na  pat maw ni  hpe laiwa sai 2016 shaning ni hta hpyen majan laja lana byin ai a majaw tara  shang pat hkum da ai re hpe chye lu ai.

Leave a Reply

Your email address will not be published. Required fields are marked *