Hpakan Mashi Kahtawng Kaw Meza Ga Shing but Gyi Ru Ai Majaw Masha Si Sum Mat

Hpakat Mashi kahtawng lawk makau na  Meza ga shingbut ding sa gyi ru wa ai majaw lung seng tam masha Mg Tsing U Asak 36 ning si sum mat nna Ko Mg Wain,Mg Win  Nai, U Gyi Tsing ni gaw hkala hkrum mat ai lam na  chye lu ai.

Ya gyi ru wa ai Meza Bum dingsa gaw Unity Lung seng Company ni a ladaw htum nna tawn da ai Meza bum ding sa re hpe mung na chye lu ai.

Lung seng tam masha  ni Lung seng tam ai ten ga gyi ru wa nna si sum mat ai lam kaput si mat ai lam law wa ai gaw htawt sit bungli galaw masha law wa ai majaw mung re, Law hpa myit a majaw si sum mat ai re lam hte n dai zawn re manghkang hpe asuya kawn hpa mung tsun ai lam n nga ai hte gawn hkang ai lam jep joi ai lam ni galaw yang gaw yawm wa na re hpe mu mada ai lam Myu Sha Zin Lum hpung na Sara Dashi Naw Lawn kawn  tsun ai.

Hpakan ginra hta  Ga kyi , ga kaput, hka hkingau ni gyi ru ai lam ni jahkring hkring byin ai majaw  dai ning laman hta masha tsa lam Si Sum mat sai re hpe chye lu ai.

Leave a Reply

Your email address will not be published. Required fields are marked *