Jarit Mayan Hpyen Yen mung Shawa Ni malu Masha Ra Kadawn Nga

Jarit mayan kaw shanu shing byi nga ai hpyen yen mung shawa ni laiwa sai shata masum daram kaw nna n-gu malu masha ni dumhprut wa  ai majaw garum ningtum grai ra ladawn nga ai lam na chye lu ai.

Hpyen yen ni hpe  garum jaw na madung lu sha rai nga ai  n-gu,jum,shakau ,sau ni hpe hpyen masa a majaw htigbu mungdan jarit hku shalai la ra ai re ndai  malu masha ni hpe jarit mayan kaw nna nlu shalai ai majaw  hpyenyen ni malu masha dumhprut mat ai re nga nna KBC Ningbaw Dr. Hka Lam Sam Sun Tsun dan ai kawn na chye lu ai.

Jarit mayan kata  shanu shingbyi nga ai hpyen yen mung shawa ni n-gu hte malu masha ni dumhprut mat ai lam hte seng nna December (7) ya shani KBC ni bawng ban hpawng mung galaw ai lam na chye lu ai.

Ya aten Jarit mayan hta hpyen yen mung masha ni mun sanit daram malu masha n-gu ni yak hkak hkrum nga ai re, , du wa na December(10) ya shani hta gaw   myen mung a simsa lam gawgap ai hta madi shadaw garum  nga ai Ni Pon foundation ni hte hpyen yen ni a malu masha  shalai na lam hte seng nna bawng ban hpawng galaw sa wa na re nga nna KBC a Ningbaw Dr. Hka Lam Sam Sun tsun da  ai kaw na chye lu ai.

Leave a Reply

Your email address will not be published. Required fields are marked *