PNLO Hte RCSS/SSA Lapran Majan Byin Ai Majaw Hprawng Yen wa ai Mungshawa Ni UWSA Ginra De Du shang wa

Sam mung Dingda daw Mai Pan Myo kata Pa-O amyu sha rawt malan hpung PNLO hte RCSS/SSA lapran Lai wa sai December 24,25 kaw nna gasat gala majan byin ai majaw Pa-O amyu sha ni a Dum nta lawlaw hte Hpungyi jawng ni wan nat hkrum a majaw hprawng yen wa ai mung shawa ni UWSA ginra de du shang wa nna UWSA hpung ni kawn garum ningtum jaw nga ai lam chye lu ai.

UWSA  gaw amyu garan ginhka ai lam n nga sha yak hkak hkrum na du wa ai yawng hpe grum shingtau na jin jin re lam,Ya du shang wa ai Pa-O Hpyen yen mungshawa ni hpe mung malu masha ni garum jaw ai lam, hkala hkrum ai ni hpe tsi gawn lajang ya ai lam galaw ya nga ai nga nna UWSA Slg langai  tsun ai.

Ya na zawn majan a majaw mungshawa ni jahkring hkring hprawng yen ra ai, ndai zawn re ai lam ni n byin hkra gaw laknak lang rawt malan hpung shada,lam shagu jahkrup bawng ban ai lam galaw ra ai, hpa mi rai rai bawng ban jahkrup ai lam gaw simsa lam a matu kaja dik mahkrun re ngu mu mada ai lam Salang wa matut tsun ai.

Ya Aten Hpyen yen mungshawa ni hpe Shimlum ai shara kaw shara jahkrat da ya ai lam,majan zim ai shaloi she shanhte wa na nga yang mung atsawm wa sa ya na re lam,Wa mung de du shang wa ai Hpyen yen ni gaw Pa-O amyu sha htinggaw 63 marai 231 re hpe chye lu ai.

Leave a Reply

Your email address will not be published. Required fields are marked *