Laiza Buga Hta Hkalup Hkam La Sai Sape Nnan Marai (53) Bai Jat

Hkalup Hpung makam masham hta Yesu Hkristu hpe Tinang a hkye la madu majing hku nna hkap la kam sham sai ni hpe hkalup jaw ai lam manu shadan galaw nga ai rai nna Laiza Buga hta mung daini January praw 5 ya shani kamsham sai hpung masha ni hpe Mung Lai Hka kaw sape shatai hkalup jaw ai lam galaw ai re.

Hkalup hkam la sai Sape nnan ni yawng marai (53) hta Laiza buga hpung masha ni sha nrai, Laiza buga kaw wa shanu machyu let nga ai kaga ginwang na hpung masha ni mung lawm ai re hpe chye lu ai.

Ndai hkalup hkam sai Sape nnan ni hpe hkalup garai njaw yang nchye nmai Ja Chyum mungga hpe (3)ya tup sharin ya ai rai nna, Tinang hkum nan Madu Yesu gaw yubak kaw na hkye la ai wa re ngu hpe hkap la hkam la yin la kam sham ai ni hpe Hpung Up sara Sumlut Gun Seng kawn hkalup jaw ya ai re.

Hkalup hkam ai lamang hpe laning mi hta kalang January shata hta galaw nga ai rai nna daini hkalup hkam la sai Sape nnan ni hpe hpawni na Shaning Ningnan Shani Ka-ang Poi Daw nawku hpawng hta Hkalup Lekmat hpe jaw ya na re hpe mung chye lu ai.

Leave a Reply

Your email address will not be published. Required fields are marked *