Myitkyina kaw lagu lagut manghkang grau law wa

Myitkyina muklum kata kaw shaning n’nan hpang lagu lagut, rai kashun hte Damya mya ai manghkang ni jahkring hkring byin ai lam na chye lu ai.

January (3) ya shani Myitkyina,Mung shawa na tsi amu magam gun Dr.Htoi Lu hpe sam amyu sha Salang San Mun ngu ai wa kata shang wa nna Dr.Htoi Lu a du kaw n hkyi hte madi tawn let gumhpraw nga ai yawng jaw dat u nga nna damya mya taw ai aten Dr.Htoi Lu n ta nga ai num sha gaw marawn jahtau dat ai majaw htingbu ni grai law hkra htim sa wa nna sa je la ai re,Ja gumhpraw ni n lawm mat tim Dr.Htoi Lu a lata kaw n htu hte hkra la ai lam, Dai damya La hpe mare Salang ni a lata de ap kau sai re lam, Jan.1 ya shani hta mung Jinghpaw wang Tayu Kung Cycle dut ai lam n braw kaw  Jan Daw E Lis a sen (20)re i phone (1), laga phone (1) hte gumhpraw Kyat (500,000/-) kashun la hkrum ai sha n-ga de shawng na bat e mung Jan.maran Bawk Bu a nta kaw lagut ni zaw mala jahten nnagumhpraw Kyats sen(20)manu nga ai lung seng langai,Ja ta chyawp ni,gumhpraw sen kaba hte sen(20)manu nga ai ja kachyi (1) lagu la hkrum mat ai lam na chye lu ai.

Ya na zawn Lagu lagut ai lam, damya mya ai lam,shani ching tung nta chying hka zaw ni a dup hpaw na lagu lagut ai zawn re ai manghkang ni law wa ai gaw kani nanghpam lu sha ai masha law wa ai majaw re lam mung masha ni tsun nga ma ai re hpe Myu Sha Pyen U shana wa ai kaw na chye lu ai.

Leave a Reply

Your email address will not be published. Required fields are marked *