Sumpra Bum Ginra Na Ka-Ni Yi Ni Hpe Pat Jasan Ni Hkyen Jasan Kau Ya

Putao Ginwang Sumpra Bum maw daw lam Hkindu Yang Ga Mare, Nsai Yang Mare, Hpung Chyan Mare hkan na Ka-ni yi ni hpe sumpra bum pat jasan hpung ni kawn lai wa sai January praw 3-5 ya shani du hkra pat jasan bungli shang let ka-ni yi ni hpe hkyen jasan kau ya lu sai lam chye lu ai.

Ka-ni yi hkyen jasan ai hta sumpra bum ginra pat jasan Komiti ni hte nawku hpung shagu na magam gun sr ni, Hpung Ing Yang mare pat jasan ni hte rau ramma ni yawng marai (23) shang lawm nna ka-ni yi Eka 11 tup hpe hkyen jasan kau lu sai lam chye lu ai.

Ndai buga ginra mare masha ni hpe lai wa sai ten hta mung pat jasan komiti ni kawn ningmu jahpaw, sadi jaw ai lam ni lang hte lang galaw lai wa sai raitim hkan sa ai lam n nga ai sha ka-ni yi ni lagu galaw nga ai re hpe chye lu ai.

Hpung Ing Yang mare masha ni hpe January praw 5 ya shani hta pat jasan komiti ni kawn ningmu jahpaw (awareness) galaw nna January 6 ya shani kawn Hpung Chyan Hka Hku maga de lung nna pat jasan bungli shang nga ding-yang re hpe shi sawk maling chyang Ngau shana wa ai.

Leave a Reply

Your email address will not be published. Required fields are marked *