Danai kaw Mung Mare masha Marai (2) Bawm kabye kapaw la

Danai kaw shanu nga ai mung mare masha marai (2) gaw December 7 ya shani nam de Nga hkwi sa ai kaw  Bawm kabye kabaw la nna hkala sawng mat ai lam na chye lu ai.

Hkala hkrum ai Salang Lagawt Hkun Seng gaw Danai Kinsara kaw na re hte SalangMagawng La Pa gaw Danai RC Hpyen yen Camp kaw shanu nga ai re hpe chye lu ai.Salang Lagawt Hkun Seng gaw lagaw lahkawng maga daw kau ra mat ai hte ya aten myikyina Tsi rung kaba kaw tsi tsi hkam la nga ai re, Salang Magawng La Pa hpe gaw Danai tsi rung kaw tsi tsi hkamla nga ai lam chye lu ai.

Danai ginra na mung mare masha ni gaw yi sun hkau na ni sha galaw sha nga ai re, mare shinggan de pru hkawm tam lu tam sha na mung ya na zawn bawm kabye hkala hkrum ai lam ni nga ai majaw mung mare masha ni galaw lu galaw sha nga nna ni grai yak wa ai lam Sara Naw Tawng tsun ai.                  

Danai myo kaw Hpyen yen mung shawa lawlaw shanu nga ai re, Hpyen yen mungshwa ni a malu masha lam hte seng na Garum ningtum lam ni yawm wa ai majaw mung mare masha ni tinang chye ai hku Nam de tam lu tam sha hkawm kaw ya na zawn bawm kapaw manghkang ni byin nga ai re, Ndai hkawm bawm hpe kadai ni hkawm tawn da ai hpe tup hkrak n chye lu shi ai raitim Danai myo Grup yin hta Myen hpyen Dap ni sha shamu shamawt nga ai re lam chye lu ai.            

Leave a Reply

Your email address will not be published. Required fields are marked *