(71) Lang Na Jinghpaw Mungdaw Masat Nhtoi Galaw Na

       Jinghpaw mungdaw masat nhtoi lamang hpe du wa na Jan.(10) ya shani Mungdaw Asuya kawn woi awn n htawm wunpawng Htunghking hpung Ginjaw hte ginrun let Myitkina Majoi manau wang kaw galaw sa wa na re hpe na chye lu ai.

     Jinghpaw mungdaw masat nhtoi lamang hpe 2 ya tup Manau nau ai lam galaw na rai nna Ginsup ai lamang ni, Yungwi lamang ni, Makaji ni a pyaw hpa lam ni, Manau shayi lata poi lamang hte htunghking ka manawt ai lamang ni mung lawm na re hpe chye lu ai, Jinghpaw mungdaw Asuya woi awn let Mungdaw masat nhtoi manau n galaw mat ai shaning 31 ning rai mat sai re,2005 ning kaw nna 2010 du hkra wunpawng myu sha ni  hkrai tingnang tam lu ai ja gumhpraw hte asuya nlawm ai sha mung shawa ni yawng jawm garum ai hte 6 ning tup galaw lai wa sai re hpe achye lu ai .

       2011 ning hte 2015 hta gaw Asuya kaw nna lit la nna mungdaw masat n htoi hpe galaw hpang wa sai re,dai majaw mat mat wa sai mungdaw masat n htoi Manau bai hkrung wa ai re majaw galaw gying ai lam re nga nna Wunpawng Htunghking Hpung Ginjaw Ramma ningbaw Nshang Tu Ja  tsun ai.

       Jinghpaw mungdaw masat n htoi woi galaw ai hta gaw anhte Jinghpaw mung kaw nga ai uhpung uhpawng hte mung shawa ni a myit hkrum ai lam ni mung nlawm ai WHG ginjaw rau sha bawng ban na galaw ai lam re, mungdaw nhtoi galaw ai lam gaw hkrak ai, anhte ramma ni kaw na gaw hpa tsun na lam mung n nga ai mung shawa nhtoi re majaw mung shawa yawng a myit hkrum lam la let mung shawa yawng hpe ndau sha na let galaw ai lam gaw hkrak ai nga nna SaranumSut Seng Htoi shi a ning mu hpe  tsun ai.

       Ndai mungdaw masat nhtoi poi lamang galaw na lam hte seng nna WHG kawn gaw matu mung shawa ni hte bawngban na  aten gaw nlu ai rai tim Wunpawng htunghking hpung Ginjaw gaw Bawsang ningbaw Amu madu komiti ni hte myit su salang ni hpe bawng ban nna galaw ai lam tsun da ai hpe chye lu ai.

Leave a Reply

Your email address will not be published. Required fields are marked *