Manmaw Pauk Kung lawk kaw Dum n-ta langai wan hkru hkrum

 

Manmaw Ginwang, Pauk Kung lawk kaw January 21 ya shana daw hkying 3:40 Pm a ten daram hta Dum n-ta langai wan hkru mat ai lam na chye lu ai.

Wan hkru sum mat ai n-ta gaw Manmaw, Pauk Kung lawk na U Tsai Mg Kham a dum n-ta rai nna, Hka ge sut dek matut da ai wan sumri grai dingsa mat tim nnan n galai ai majaw gahtet shadang tsaw wa nna dai wan sumri kawn wan hkru hpang wa ai re hta hpun pyen n-ta htap 2 mung wan hkru lawm mat ai lam Manmaw wan sat dap na magam gun Shd.Htingnan Shawng tsun ai.

Wan hpe jai lang ai hta a tsawm sadi sahka let jai lang ra ai,wan gaw hkrit ra ai. chye jai lang yang gaw akyu re,n chye jai lang yang gaw hpyen re,dai majaw wan hpe atsawm jai lang ga nga nna Shadang Htingnan Shawng matut tsun ai.

Dum n-ta wan hkru ai hta makau mayan na htingbu ni hte wan sat Dap ni jawm sat shamyit kau lu ai majaw makau hkan na dum n ta ni n hkru lawm ai re, wan hkru manghkang hta wan n sadi ai amu (y)38/2019| Pukma-285 hte U Tsai Mg Kham hpe seng ang ai Balik dap hta rim ahkyak la da ai lam shi sawk Langyaw Ahyung tang madun da ai.

Leave a Reply

Your email address will not be published. Required fields are marked *