Myitkyina Dakkasu Jawng Kaw Galaw Ai Laika Naura Poi Lamang Ngut Sai

Myitkyina, Dakkasu Jawng wang kaw galaw ai laika naura poi lamang hpe Myitkyina muklum kata jawng shagu na jawngma ni sa du shnglawm nhtawm, 3 ya tup galaw la lu sai lam na chye lu ai.

Lai wa sai January 20 ya shani hta Jinghpaw Mungdaw Jawng shagu na saw shaga da ai jawngma ni kawn ka hkrang hte shang lawm ai lam poi lamang hta jawngma yawng marai 2000 jan sa du shang lawm ai hte ginsup shingjawng lamang, ga shagawp shingjawng lamang, laika kai ji shingjawng lamang, maumwi shingjawng lamang ni hpe mung galaw la lu sai re, January 21 ya shani hta jawngma ni a ka hkrang hte ginsup shingjawng lamang hpe matut galaw nna, wunpawng shingni hpung ginjaw kawn yu ngwi pinra lamang galaw ai lam chye lu ai.

Laika naura poi galaw ai gaw ma ni jawng laika langai sha chye na matu nre sha kaga hpaji machye machyang lu wa na matu mung re nga nna Sara langai tsun dan ai.

Ndai lamang hta Myitkyina dakkasu jawng ma ni kawn shingra tara makawp maga lam hte seng nna, madun lamang ni galaw ai sha n-ga English jawng ILBC, GreenHills Academe jawng ni hte kaga Myitkyina hpaji dakkasu, Myitkyina Tecnical University, hpungtang hpaji dakkasu ni a madun poi ni mung nga ai re, sa yu ai kanu kawa ni hte Jawngma ni hpe mung manu jahpu hkyem sa ai hku laika buk ni dut jaw ai re hpe Myu Sha Pyen U shana wa ai kaw na chye lu ai.

Leave a Reply

Your email address will not be published. Required fields are marked *