Mungmare Masha Lahkawng Sinat Hte Gap Hkrum

Mung Myit Sinli ga Ta Mu Ne  mare na Mi wa myusha marai (2) gaw  January (20) ya shani  hta sinat 22 hte gap hkrum ai majaw marai langai si sum mat nna langai hkala hkrum ai lam na chye lu ai.

Ndai mung mare masha yen gaw hpalap sun kaw bungli galaw nga ai ten gap hkrum ai rai nna Asak(52) re ai Salang Hpau Lau Yung gaw dai shara kaw nan si sum mat nna Asak (23) ning re ai Shadang Hu De gaw lapai lata hte lapai lagaw kaw hkra  hkrala ai majaw ya aten Ta Mu Ne  mung shawa tsi rung kaw tsi tsi hkam la nga ai lam  ,si sum mat sai Slg. Hpau Lau Yun hpe january (24) ya shani makaoi mayang sai lam na chye lu ai.

Ndai gap hkrum ai yen gaw hpalap sun kaw hpun hta taw ai shaloi Salang  Hpau Lau Yung a kasha nta de  shat wa gan la mat  ai shaloi gap hkrum ai re nga nna dai mare na Salang Naw Awng  tsun ai..

Sinat sa gap bun ai gaw   kadai  gara uhpung ni re hpe nchye  lu shi ai lam  ndai mang hkang hpe seng ang ai Tara rung kaw shawk shawn  da sai hte  mabyin  ndai mang hkang tup hkrak naw  matut sagawn nga ai re lam chye lu ai.

Leave a Reply

Your email address will not be published. Required fields are marked *