SINNA MYO RAP PAWNG HPAWM PAT JASAN HPUNG NI BUNGLI SHANG

Lawu Mawhpawng PJS hpung ni,Htoi San buga Pat Jasan hte Pang mati buga Pat Jasan hpung ni,Pawng hpawm nhtawm January 23 ya shani Ake mare de Pat Jasan bungli shang yawng Ka-ni hpraw Dut,Lu sha ai masha hpe lu rim ai lam na chye lu ai.

Ake mare kaw Ka-ni lu mung lu nna dut hpaga mung galaw ai  Lahpai Zau Maw hpe shi nta kaw na nan Ka-ni hpraw bang da ai Shau Di Se Pya Bu 2, Ka-ni hpraw bang da ai Tai nga lung bu 2, hte hpawn lu rim la nna Myitkyina Balik Dap de ap kau sai lam Pat Jasan hpung ni shana wa ai kaw na chyelu ai.

Ka-ni lu sha ai masha Asak 20 ning daram re ai Ramma marai 5 hpe mung lu rim la ai,dai ni hpe gaw kani dawn dabang de ap kau sai lam chye lu ai.buga pawng hpawm Pat Jasanhpung ni gaw kani dut hpaga galaw ai ni hpe Balik Dap de ap nna Lu sha ai masha ni hpe gaw Myit malai wa lu na matu Ka-ni dawn dabang ni de sa ai lam galaw nga ai re, pawng hpawm Pat Jasanhpung ni kawn kani lu sha ai masha hte dut hpaga galaw ai masha hkoi tsai mat hkra Pat Jasan bungli matut manoi shang sa wa na re lam chye lu ai.

Leave a Reply

Your email address will not be published. Required fields are marked *